الجواهرجى - الفصل الثالث

الجواهرجى

الفصل ٣

الهدوء التام كان مغيم على حي الصاغة والدنيا لسه كحل ونور الفجر بيزحف بالعافية في السما والمحلات كلها قافلة والشارع ملوش حس سيف الجواهرجي كان قاعد جوه مكتبه الفخم المعزول عن الدنيا مشغل لمبة مكتب صغيرة مركزة نورها على إيديه سيف مكنش بس تاجر ده بيكسب فلوس وخلاص ده كان فنان وإيده تتلف في حرير قدامه قطع من الألماظ النادر وكان شغال يصنع بإيديه قطعة فريدة من عقد مصنوع من جوهرة الزمرد الخضراء الغالية الثمن اللي بتخطف العين بلمعانها سيف كان بيمسك الملقط الدقيق وبيركب الفصوص بحرفية وصبر ومفيش غير محله هو في مصر كلها اللي بيعرض القطع النادرة دي والناس بتتهبل على شغله وتصميمه اللي ملوش مثيل فجأة وسط السكات ده سمع صوت خبط متقطع ومرعوش على باب المحل البراني سيف استغرب جداً ورفع رأسه مين اللي هييجي في الوقت ده والعمال كلهم مشيوا من بدري وهو قفل على نفسه من جوه بالمفاتيح والترابيس عشان يركز في العقد قلع نظارة القراءة المكبرة بحيرة وقام وقف بطوله المهيب مشى بخطوات رزينة لحد الباب وفتح القفل الحديد أول ما فتح الباب اتفاجأ بواحدة ست واقفة قدامه لامة نفسها جوه عباية سودا وطرحة سودا وعينيها من كتر العياط والقهرة حمراء زي الدم ووشها شاحب بس رغم كل المرمطة والبهدلة ملامحها كانت فاتنة بمعنى الكلمة وجمالها يخطف القلب سيف من صدمته استغفر ربه في سره ونزل عينيه للأرض وقال بصوت أجش ورزين أيوه يا بنتي في حاجة سيبتي إيه اللي جابك هنا في وقت زي ده شهد مكنتش قادرة تنطق وجسمها كله بيترعش سيف بص لوشها تاني وحس بقلبه اتهز من منظرها وصعبت عليه جداً ورجع لورا وفتح الباب على آخره وقال لها تعالي طيب ادخلي جوه اهدي واشربي بؤ مية يهديكي سيف دخلها المكتب وبكل حنان وسعة صدر جاب لها كوبة مية ساقعة ومد إيده ليها منظر شهد كان يقطع القلب العباية متبهدلة من تراب الشوارع والدموع غرقانة على خدودها وشفايفها بتترعش من البرد والخوف سيف فضل باصص لها باستغرب شديد وهيبته وطوله وطريقة كلامه اللي فيها حنان غريب وعجيب أول مرة شهد تشوفه في راجل خلتها تترعش أكتر وتدارى في طرحتها سيف قعد على كرسيه وبص لها بنظرة كلها وقار وسألها خير يا بنتي أنتِ مين وخبطتي عليا وجيتي إزاي في وقت زي ده وإزاي تكوني بره بيتك في وقت الفجر والشارع مقطوع شهد أول ما سمعت صوته الحنين والدافي رغم قوته وجبروته المعهود انهارت بالكامل والمية وقعت من إيدها وبدأت تحكي وتصرخ من قهرتها وقالت الحقني يا حاج سيف أبوس إيدك ورجلك ماليش غيرك بعد ربنا بنتي أخدوها مني غصب طردوني في الشارع وخدوا ضنايا وحبسوها جوه سيف وهو بيسمع كلامها وصوت شهقاتها المكتومة لأول مرة من سنين طويلة يحس بنغزة وجع حقيقية في قلبه دمعة شهد اللي نازلة على خدها كانت زي مية نار كوت قلبه اللي كان فاكره بقى حجر من يوم وفاة مراته سيف قام من مكانه وقرب منها وشد منديل قماش نضيف من جيبه وبكل حنية مفرطة مد إيده وعطاه لها وقال لها طب اهدي وامسحي دموعك دي خالص واقعدي احكي لي بالراحة إيه اللي حصل ومين اللي عمل فيكي كده شهد مسحت دموعها وبدأت تحكي له كل حاجة من طقاطق للسلام عليكم حكت له عن جوزها اللي مات من ست شهور وعن عذابه ليها وعن عطوة أخو جوزها اللي عايز يتجوزها غصب وعن حماتها الجاحدة اللي طردتها ببيجامتها في الشارع وخطفت بنتها دارين وحبستها عشان تجبرها على الجواز وحكت له عن خذلان أخوها الوحيد سيد اللي خاف من عطوة ورجالته وقال لها ماليش دعوة بمشاكلكم سيف كان بيسمع والكلام بينزل عليه زي الصواعق وعروق إيديه برزت وعصايته الأبنوس قبض عليها بقوة لحد ما صوابعه ابيضت وبص لوشها بذهول واستغراب وقال أنتِ قولتي بنتك عندها كام سنة شهد ردت بصوت مبحوح عندها ثمنطاشر سنة وفي تالتة ثانوي يا حاج سيف سيف تنهد بذهول وبسم الله ما شاء الله اللي يشوفك يقول إنك صغيرة وعندك عشرين سنة بالكتير مش واحدة اتجوزت وخلفت بنت عروسة طولك بالمنظر ده أنا بقولك يا بنتي من الأول لاني فكرتك من سن بنتي أسماء ومستحيل يجي في بالي إنك أم لبنت كبيرة سيف قرب منها خطوة وبص في عينيها العسلي بنظرة كلها حماية وقوة وقال لها اسمعي وع السامع السلام اهدي وبعون الله بنتك هتنام في حضنك الليلة دي سيف الجواهرجي مستحيل يتخلى عن حد استنجد بيه ودخل محله أبداً دموعك دي غالية أوي إنها تنزل ورجالة زينا بشنبات تشوف ظلمك وتسكت وتتفرج اهدي ومحدش في مصر كلها يقدر ياخد منك حاجة ولا يمس طرف توبك وأنا عايش على وش الأرض أنتِ وبنتك من اللحظة دي بقيتوا في حمايتي سيف مسك تليفونه الأرضي وبسرعة وبقوة اتصل برجالته الكبار في المنطقة وقالهم بصوت صارم الكل يصحى دلوقتي حالا ويجيب رجالته ويحضروا عندي قدام محل الصاغة مش عايز تأخير دقيقة واحدة مفهوم وقفل السكة شهد في اللحظة دي خجلت جداً من كلامه ونظراته الحنينة وحست بقلبها بيدق جوه صدرها زي الطبل بعنف وسرعة وفرحة عرمة ملت كيانها كله إنه مخذلهاش ومطردهاش زي ما أخوها الوحيد عمل وهيرجع لها بنتها وكرامتها سيف بقى يبص لها من تحت لتحت ومن جواه مستغرب نفسه جداً ومستغرب كلامه وطريقته معاها مع إنه راجل رزين ومش بيتكلم ولا بيتعامل مع ستات واصل وطول عمره ناشف وجامد ليه هي بالذات اتكلم معاها بالطريقة دي وليه قلبه وجعه وانكوى من دموعها بالمنظر ده ومعقول في ست في الدنيا بالرقة والنعومة والجمال ده كله وكمان معاها بنت عروسة كبيرة سيف فضل يسأل نفسه في سره إيه حكايتك يا شهد وطلعتي لي منين ومن أنهي أرض تخليني أتهز وأتوجع من دموعك وأنا أول مرة أشوفك في حياتي و تخليني أدخل معركة عشانك وأنا لسه معرفش اسمك الكامل سيف أخذ نفس طويل وبص لعقد الزمرد اللي على المكتب وحس إن الجوهرة الحقيقية هي الست اللي قاعدة قدامه وبتترعش ومستنية نصرته ليها في ليل الصاغة الهادي اللي بدأ يتمخض عن فجر جديد هيغير دنيتهم هما الاتنين ويربط مصيرهم ببعض لأخر العمر

 

سيف نادى على رجالته الكبار في الصاغة اللي جم في لمح البصر وكل واحد جايب رجالة معاه ميهابوش الموت وركب عربيته المرسيدس السوداء الفخمة وجنبه شهد اللي كانت لسه بتترعش من الخوف والقلق على بنتها وراء العربية كانت ماشية زفة من العربيات والموتوسيكلات بتاعة رجالة الجواهرجي ماليين الشارع هيبة وقوة وصلوا الحارة حارة أهل الزوج وكانت الساعة خمسة الفجر والدنيا لسه كحل ونور الصبح بيشق عتمة الليل بالعافية وصوت العربيات الكتير ورجالة سيف عمل دوشة وزلزال صحى الحارة كلها من النوم الناس بدأت تفتح الشبابيك وتبص من البلكونات بذهول واستغراب مين اللي جاي بدوشة وجيش زي ده كله في وقت زي ده وسيف نزل من عربيته بكل وقار وهيبته الطويلة اللي تخطف العين وعصايته الأبنوس في إيده ورجالته محاوطينه من كل ناحية ودخل بيت أهل جوزها بخطوات ثابتة بتهز الأرض وطلع السلم ورجالته وراه لحد ما وصل لشقة عطوة وفضل يخبط بعصايته على الباب بقوة خلت الخشب يتناثر منه الشرر عطوة صحي مفزوع وفتح الباب وهو بيزعق ويقول بغشم جرى إيه ومين الراجل اللي جاي يكسر الباب ده وعايز إيه بس أول ما عطوة فتح عينه كويس وشاف الوش اللي قدامه وملامحه الحادة وجسمه الرياضي المهيب وعرف إنه سيف الجواهرجي كبير الصاغة ركبه بدأت تخبط في بعضها والكلمة وقفت في زوره واتلجم مكانه من الرعب لأن اسم الجواهرجي لوحده يهد جبال وسيف مدهوش فرصة يتكلم وبص له بنظرة صقر حامية تخترق القلوب وقال بصوت عالي وهز الحيطان والسلالم كلها أنا سيف الجواهرجي أظن أنت عارفني كويس يا عطوة وعارف اسمي بيعمل إيه في السوق وعارف إن اللي يجرؤ يعديني ضربة واحدة مني بتوديه مكانين ملوش تالت المكان الأول هو السجن وراء الشمس والمكان التاني هو القبر وحسابك مع ربك هناك فمن غير كلام كتير ولا ليت وعجن البنت تطلع دلوقتي حالا لأمها ومن غير ما يمسها الهوا وإلا أنت ورجالتك والحارة دي كلها مش هتشوفوا فيها شمس من بكرة من اللي هعمله فيكم والكل من رجالة عطوة اللي كانوا مستخبيين جوه وأمه الجاحدة اترعبوا وخافوا والاسم لوحده كان كفاية يخليهم يسلموا نمر في دقيقتين اتنين كانت دارين خارجة من الأوضة بتجري ودموعها مغرقة وشها وأول ما شافت أمها شهد صرخت وجريت عليها وشهد أخدتها بلهفة وعمرها ما فرحت بالطريقة دي ودموع الفرحة والراحة نزلت من عينيها وضمت ضناها لصدورها بكل قوتها وكأنها بترجع روحها اللي تاهت منها سيف في اللحظة دي كان واقف يراقب المشهد وعينيه جت على دارين وشاف البنت وذهل من ملامحها لقاها نسخة طبق الأصل من أمها شهد في الجمال والرقة والبياض الفاتن سبحان من خلق وصور كأنهم أختين مش أم وبنتها سيف قرب منهم وبص لدارين بحنان غريب وقال لها بصوت رجولي دافي أنتِ كويسة يا بنتي حد فيهم عمل لك حاجة أو داس ليكي على طرف دارين بصت لسيف بهيبة وإعجاب من شجاعته وتكلمت برقة ونعومة خلت سيف يسرح في صوتها وقالت لأ يا عمو أنا كويسة ومحدش لمسني شكراً ليك بجد إنك ساعدت ماما ورجعتني لحضنها تاني سيف ابتسم بوقار وهز رأسه وقال لها عيب تقولي لي يا عمو وبعدها تشكريني مفيش شكر بين الأهل يالا بينا تعالوا نمشي من هنا وتروحوا تقعدوا في مكان آمن وبعيد عن الوش ده كله سيف لف ضهره وبص لعطوة وأمه اللي كانوا واقفين زي الفراخ المبلولة مش قادرين ينطقوا بكلمة واحدة ورفع عصايته في وش عطوة وقال له بصوت حازم وقاطع قسماً بالله يا عطوة لو شفت خيالك بس بيعدي من الشارع اللي هما فيه أو فكرت أنت أو أمك تقربوا من شهد وبنتها تاني لتكون نهايتكم على إيدي الست دي وبنتها من اللحظة دي بقوا في حماية سيف الجواهرجي والكل يعلم بكده في المنطقة وسيف مشي وراه شهد ودارين وهو واقف زي السد المنيع وحاميهم بمركزه واسمه وهيبته ورجالته نازلين وراه والحارة كلها واقفة تتفرج وعطوة وأمه عرفوا إنهم خلاص مش هيقدروا يقربوا منها تاني طالما الأسد حط إيده عليها وحمايتها بقت فرض عليه وركبوا العربية والمرسيدس دارت وطلعت بيهم وسيف حاسس براحة غريبة ملت قلبه وهو شايف شهد بتطمن بنتها وتمسح دموعها