الجواهرجى - الفصل الثانى

الجواهرجى

الفصل ٢ 

الليل كان سادل ستاره السودا على الحي الشعبي البسيط البيوت قديمة والحواري ضيقة وصوت الناس اللي رايحة وجاية بدأ يقل بس جوه شقة صغيرة في بيت أهل الزوج كان فيه بركان من الغدر والظلم بيغلي على الآخر في الصالة كانت واقفة شهد الست اللي عندها خمسة وتلاتين سنة وجمالها فاتن يجنن بشرتها بيضا زي القشطة وعينيها وساع ولونهم عسلي صافي بس الحزن والكسرة كانوا طافيين لمعة الجمال ده ومخلين وشها شاحب جوزها مات من ست شهور وسابها لوحدها في الدنيا تواجه ديابة بشرية مفيش في قلوبهم رحمة عطوة أخو جوزها راجل غليظ وملامحه قاسية وعينه حامية كان قاعد لها في الرايحة والجاية ومستني اللحظة اللي يكسرها فيها عطوة مكنش بيفكر في ورث أخوه والقرشين الغلبانين اللي سابهم وبس لأ ده كان عينه من شهد ومن جمالها ونفسه يتجوزها غصب عنها ويذلها تحت طوعه والنهاردة كان اليوم اللي انفجر فيه البركان ووصلت فيه قسوتهم لأعلى درجة عطوة وقف في وسط الصالة وحط إيديه في جيب جلابيته وبص لشهد بنظرة تملك وقاحة وقال بصوت خشن اسمعي يا شهد صبري ليكي حدود وأنا كلمتي مش هتنزل الأرض واصل المأذون جاي بكرة وهنكتب الكتاب ورجلك فوق رقبتك أنا أولى بيكي وبمال أخويا ومش هسيبك تخرجي برا البيت ده شهد رجعت لورا وضمت كفوفها على صدرها وهي بترتعش من الغوف والغل وقالت بصوت كله عزة نفس ورفض متقطع لآخر مرة بقولهالك يا عطوة الموت أهون عليا من إني أكون ليك الست الحرة ميتفرضش عليها راجل وأنا جوزي ملوش ست شهور ميت وعمري ما هكون لغيره عطوة ضحك بجرأة وقرب منها خطوة وبص لعيونها العسلي وقال بسخرية جرى إيه يا شهد إيه النعرة الكدابة دي هو إحنا هنخبي على بعض ليه كل الحزن ده يعني من حبك الواعر في أخويا الله يرحمه ده أنتِ هتفضلي على ذكراه ليه وهو كان بيضرب فيكي ليل نهار وموريكي المر أشكال وألوان ده الحارة كلها كانت بتسمع صوت صريخك من قسوته وجبروته عليكي أما أنا بقى هدلعك على الآخر وهعيشك عيشة الملوك ومش هحرمك من حاجة واصل اسمعي كلامي ووافقي بالذوق بدل ما تندمي شهد رفعت رأسها وبصت في عينيه بكل قوة وشجاعة رغم الوجع اللي جواها وقالت بصوت قوي هز الصالة أولاً مالكش فيه وأخوك ده أفضى للي خلقه وحسابه عند ربنا ثانياً بقى اديك قولتها بعضمة لسانك يعني بسبب أخوك كرهت صنف الرجالة كله وبقيت بقرف منكم لو أنت آخر واحد في الدنيا دي ومش فاضل غيرك عمري ما هتجوزك ولا هكون ليك في يوم من الأيام عطوة ملامحه اتقلبت للغل وعينيه طق منها الشرار وأمه خرجت في اللحظة دي من الأوضة ست قاسية وقلبها زي الحجر وعينيها بتلمع بالحقد وقالت بصوت عالي كله غيظ جرى إيه يا خطافة الرجالة يا ست الحسن والجمال بتتنفضي على ابني ليه ده عطوة سيد الرجالة وهيلمك أنتِ وبنتك بدل ما تطلعوا تشحتوا في الشوارع بس العيب مش عليكي العيب على اللي دخلتك بيتنا من الأول شهد بكت بوجع وقالت حرام عليكي يا حاجة أنا عمري ما قصرت معاكم وكنت شايلاكم في عيني والكل يشهد على عشري الطيبة مع ابنك الله يرحمه رغم كل اللي شفته منه عطوة مقربش منها أكتر وبص لأمه وقال مفيهاش كلام يا أمه الست دي شكلها مش هتيجي بالذوق ولازم تعرف مقامها كويس وبسرعة عطوة هجم على أوضة دارين بنت شهد دارين فتاة عندها ثمنطاشر سنة في تالتة ثانوي طيبة القلب وجميلة الروح وفاتنة الشكل زي أمها كانت قاعدة بتذاكر ومرعوبة من صوت الخناق بره عطوة شدها من إيدها بقوة وخرجها للصالة ودارين كانت بتصرخ وتقول سيبني يا عمو سيب إيدي شهد جريت عليها وحاولت تشد بنتها بس عطوة زق شهد وقصادها وقعت على الأرض وأمه جريت على باب الشقة وفتحته وقالت يالا برا بيتنا مفيش ليكي مكان هنا يا رفضة الجواز عطوة سحب شهد من هدومها وهي لسه ببيجامتها البيت الرقيقة اللي مكنتش مجهزة تخرج بيها للشارع وزقها برا عتبة الشقة بكل قسوة وندالة وقفل الباب بسرعة وحبس دارين جوه دارين كانت بتصرخ من ورا الباب وتخبط وتقول يا ماما متسبنيش يا عمو افتح الباب حرام عليك شهد قامت من على الأرض زي المجنونة وفضلت تلطم على وشها وتخبط على الباب بكل قوتها وصوت صريخها رج البيت كله والحي الشعبي وبقت تقول افتحوا الباب خدوني وسيبوا بنتي دارين ملهاش ذنب يا عطوة يا حاجة افتحوا الباب أبوس رجليكم متعملوش فيا كده شهد كانت بتخبط بإيدين ين لحد ما صوابعها بدأت تنزف دم من كتر الخبط على الخشب المتين وبقت تصرخ بأعلى صوت عندها وضهرها انحنى من الوجع ودموعها غطت وشها الفاتن كله وفي وسط الصريخ ده اتفتح الباب حتة صغيرة وظهر وش عطوة اللي كله شر وجبروت وبص لشهد وهي منهارة في الأرض ببيجامتها المبهدلة وقال لها بصوت فيه تهديد ووعيد مش هتشوفي بنتك دارين دي تاني غير وأنتِ في بيتي وع السرير بتاعي يا عروسة يا إما تمضي على الجواز بالرضا يا إما بنتك دي هتنسي شكلها وهتفضل محبوسة هنا لحد ما تتجوز هي كمان للي نختاره ليها شهد بصت له بصدمة ومكنتش مصدقة الجبروت والندالة اللي في قلبه وقالت له يقطع لسانك ويدك يا ظالم ربنا هينتقم منك ومن أهلك ومش هسيب بنتي لو كان فيها موتي عطوة زق الباب برجله وقفل الترباس من جوه وساب شهد في الشارع ملقاة على السلالم الشغالة في الضلمة والكل من الجيران بدأوا يبصوا من ورا الشبابيك والأبواب بخوف ومحدش فيهم استجرأ يقف قدام عطوة ورجالته في الحارة شهد لمت نفسها بكسرة ونفسها مقطوع وحست إن الدنيا ضاقت في عينيها وبقت تسند على الحيطة وهي نازلة السلم ورجليها مش شايلاها وجسمها كله بيترعش من البرد ومن الخوف على ضناها دارين اللي محبوسة جوه مع الديابة دول

الحارة كانت هادية والضلمة مغطية البيوت وشهد نازلة على السلم وجسمها كله بيترعش من البرد والكسرة ودموعها مش راضية تقف فجأة اتفتح باب شقة في الدور الأول بالراحة وخرجت منها واحدة من الجيران ست طيبة ملامحها كلها زعل وأسى على حال شهد الست بصت حواليها بخوف ليكون حد من رجالة عطوة مراقب السلم وقربت من شهد بخطوات سريعة ومن غير ما تنطق ولا كلمة وبمنتهى الحنية مدت إيدها وفردت عباية سودا واسعة وطرحة كبيرة وسترت بيهم جسم شهد اللي كان باين من بيجامتها الرقيقة شهد بصت لها بامتنان ودموعها زادت والست طبطبت على كتفها بحزن وهمست لها ربنا معاكي يا بنتي وينصرك على الظالم ودخلت شقتها بسرعة وقفلت الباب بهدوء عشان تتجنب شر أهل جوزها شهد لمت العباية حوالين جسمها وربطت الطرحة على رأسها وهي حاسة بنار بتاكل في صدرها وطلعت تجري في الشوارع زي المجنونة مكنش قدامها غير طريق واحد تروح لبيت أخوها الوحيد سيد وتستنجد بيه ينقذ لها بنتها دارين من إيدين عطوة وأمه الجاحدين وصلت بيت أخوها وفضلت تخبط على الباب بهستيريا لحد ما فتح سيد وهو بينعس وأول ما شاف منظر أخته ووشها المتبهدل بالدموع اتخض ودخلها بسرعة وقفل الباب شهد اترمت في حضنه وهي بتصرخ وبتقول الحقني يا سيد عطوة وأمه طردوني بالهدوم وخدوا مني دارين بنتي حبسوها جوه وقالوا مش هشوفها تاني غير لو اتجوزت عطوة غصب عني أبوس إيدك يا خويا قوم معايا ورجعلي بنتي دول ناس معندهمش رحمة وهيضيعوا البنت سيد أول ما سمع اسم عطوة ملامحه اتقلبت للخوف والرعب ورجع لورا وربط إيديه وقال بصوت مرعوب جرى إيه يا شهد أنتِ عايزة تخربي بيتي وتضيعيني معاكي أنا راجل غلبان وعلى قد حالي وممشيش غير جنب الحيط وعطوة ده راجل جاحد ووراه رجالة وبلطجية وميهمهوش حد في المنطقة أنا مش قد عطوة ورجالته ولا حمل خنايق ومحاكم واصل وأهل جوزك دول ناس صعبة ومش بترحم والكل بيخاف منهم شهد بصت لأخوها الوحيد بصدمة وزهول والدموع جفت في عينيها من كتر الوجع وقالت له بصوت مخنوق ومكسور أنت بتقول إيه يا سيد ده أنا أختك لحمك ودمك ودارين دي بنت أختك يعني عرضك وشرفك تسيبها في إيد الديابة دول عشان خايف من عطوة فين رجولتك وفين ضهرك ليا بعد أبويا الله يرحمه سيد نزل رأسه في الأرض وقال ببرود وخوف مليش دعوة بمشاكلكم يا شهد اتصرفي لوحدك وروحي ليهم بالسياسة ووافقي على الجواز واشتري دماغك أنا مش هحط راسي في المدفع عشانك شهد حست بقهرة ملت قلبها وخرجت من بيت أخوها وهي مش شايفة قدامها والدنيا اسودت في عينيها بالكامل رجعت تمشي في الشوارع والليل بيعدي وهي بتعيط بحرقة ومش عارفة تعمل إيه ولا تروح لمين ينقذ لها بنتها الغلبانة اللي زمانها بتموت من الرعب جوه قعدت على الرصيف في أول شارع الصاغة وحطت رأسها بين إيدها وفضلت تبكي وتدعي يارب ماليش غيرك يارب دلني على حد يقف معايا وينصرني وفجأة وسط كل العتمة واليأس ده لمعت في دماغها صورة سيف الجواهرجي افتكرت وقفته المهيبة امبارح في وسط الحارة وافتكرت صوت ضربة عصايته اللي هزت الأرض وافتكرت أكتر نظرة عينه الحنينة العادلة وهو بينصر الشاب الغلبان الأرزقي وبيرجع لأمه كرامتها وحقها قدام السوق كله شهد وقفت على رجليها وحست ببارقة أمل غريبة دبت في أوصالها وقلبها بدأ يدق بسرعة وقالت في سرها مفيش غيره هو اللي يقدر على عطوة والكل بيعمل له حساب وكلمته سيف على رقبة الصغير والكبير بس يا ترى هيرضا يساعدني وأنا ست غريبة ودخلت عليه من غير سابق معرفة شهد رفعت إيدها للسما وبدأت تدعي من كل قلبها ودموعها نازلة يارب حنن قلبه عليا يارب اخليه يوافق يساعدني ويرجعلي بنتي وميخذلنيش زي ما أخويا خذلني يارب أنا ملجأتش ليه إلا بعد ما تقطعت بيا الأسباب وأنت اللي عالم بحالي شهد مشت بخطوات سريعة وهي بتجر عبايتها السودا ونور الفجر بدأ يظهر في السما لحد ما وصلت قدام يافطة محلات سيف الجواهرجي الكبيرة وكان المحل لسه مقفول بس شافت حركة جوه وعرفت إن فيه حد موجود أخدت نفس طويل ودقات قلبها بقت مسموعة وجمعت كل شجاعتها وقربت من الباب وهي بتترعش