الجواهرجى - الفصل الرابع

الجواهرجى

الفصل ٤

العربية المرسيدس السودا وقفت قدام عمارة فخمة وقديمة في نفس الوقت مبنية بطراز أصيل في قلب حارة الصاغة والعمارة دي تقع بالظبط فوق محلات سيف الجواهرجي الكبيرة سيف نزل من العربية بكل وقار وهيبة ولفت ضهره وبص لشهد وبنتها دارين وقالهم يالا بينا اتفضلوا معايا وأشار ليهم يمشوا وراه وطلعوا السلم لحد ما وصل للدور الأول فوق المحل وفتح باب شقة بمفتاحه الخاص أول ما دخلوا الشقة كانت في منتهى الجمال والنظافة والبساطة شقة مجهزة بكل الأثاث المريح والفرش النضيف والهدوء مالي أركانها سيف لف ليهم وحط إيديه في جيوبه وتكلم بصوته الرجولي الأجش والدافي الشقة دي بتاعتي يا أم دارين كنت ساعات لما الوقت يتأخر بيا في شغل المحل والصاغة ومقدرش أرجع القصر بطلع أنام وأرتاح فيها هتلاقوا هنا أكل وشرب وكل حاجة تعوزوها وتتمنوها متوفرة في المطبخ وكمان بخصوص الهدوم واللبس ليكم متقلقوش خالص كمان شوية صغيرة هتيجي واحدة من الشغالين بتوعي وجايبة معاكم لبس وحاجات كتير تختاروا وتأخذوا منها اللي أنتم عايزينه تمام شهد بصت حواليها في الشقة وحست بأمان عميق ملمستهوش من سنين وبصت لسيف برقة وخجل شديد ونزلت عينيها الأرض وقالت بصوتها الناعم المرعوش شكراً يا حاج سيف على كل اللي أنت عملته عشانا ووقفتك الكبيرة دي معانا اللي هنفضل فاكرينها طول العمر وبجد الشقة دي كتير علينا ومش مستاهلة كل التعب ده أنا إن شاء الله من بكرة هنزل أدور على شغل وأشتغل وهاخذ منك الشقة دي بإيجار شهري هندفعه ليك بانتظام عشان أصرف على نفسي وعلى بنتي دارين وتكمل تعليمها وكتر ألف خيرك لحد كده يا حاج سيف سيف أول ما سمع كلمة تشتغل وتدفع إيجار ملامحه الحادة اتقلبت وعروق جبهته برزت وزعل من كلامها وحس بنخوة ورجولة هزت كيانه واتكلم بقوة وعتاب رجولي تشتغلي والله عيب قوي وكبيرة في حقي يا أم دارين إزاي وأنتوا في حمايتي وتحت ضلي هخليكي تنزلي تتبهدلي وتشتغلي في الشوارع وتدفعي لي إيجار كمان هو أنا سيف الجواهرجي كبرت وعجزت في السوق عشان أخلي ست لجأت ليا تخرج تشتغل وتصرف على نفسها طول ما أنا فيا نفس البنت دي شقته ومكانها ومحدش له فضل عليكي شهد وشها بقى أحمر زي الدم من الكسوف وحست بجداعة ورجولة سيف اللي مفيش منها في الزمن ده واتكلمت بخجل ورجاء معلش يا حاج سيف خليني على راحتي الله يكرمك ومتحرمنيش من كرامتي وعزة نفسي أنا بس هستأذنك في حاجة واحدة لو تقدر تشوف لي شغل عند أي حد من أصحاب المحلات اللي حواليك في الصاغة وأنا هكون ممنونة ليك طول عمري ويبقي كتر ألف خيرك على كده يا حاج كفاية جداً ومكفينا إن إحنا في حمايتك وعارفين إن محدش من أهل جوزي يقدر يهوب ناحيتنا سيف بص لعيونها العسلي ولقى فيهم نظرة عزة نفس وشموخ عجيب خلاه يحترمها أكتر ويعجب بشخصيتها وقرر إنه يسيبها براحتها وميفردش نفسه ولا رأيه عليهم وخلاص عشان متتحرجش وتكلم بابتسامة وقار هادية ماشي يا أم دارين طالما دي راحتك أنا مش هجبرك على حاجة هشوف لك شغل عندي أنا في المحل بدل الغرب بس قولي لي أنتِ بتعرفي تكتبي وتقرئي كويس وعندك شهادة شهد رفعت رأسها بابتسامة رقيقة وظهرت غمازتها الفاتنة وقالت أيوه طبعاً أنا معايا بكالوريوس تجارة قسم محاسبة وكنت شاطرة جداً في دراستي سيف عينيه لمعت بجرأة وإعجاب وقال طب ده زي الفل وجاي في وقته تمام تشتغلي عندي في المحل الكبير وتمسكي كل الحسابات والدفاتر بتاعة الذهب والماس وأهو تكوني تحت عيني وفي مكاني ارتاحي أنتِ والعروسة بنتك النهاردة خالص ومن بكرة تنزلي تبدأي تشتغلي وتستلمي الشغل يالا سلام عليكم أسيبكم دلوقتي ترتاحوا وتاخذوا نفسكم بعد اليوم الطويل ده سيف لف ضهره وخرج وقفل الباب وراه بهدوء وهو حاسس إن قلبه بقى خفيف وروح الشابة الرقيقة دي بدأت تغير في موازين حياته وسلوكه من غير ما يحس وبقى بيفكر في بكرة بلهفة غريبة مكنش متعود عليها أبداً وشهد قعدت على الكنبة وضمت بنتها دارين لقلبها وبقت تعيط من الفرحة وتدعي ربنا يحفظ سيف الجواهرجي ويخليه سند وظهر لكل محتاج ومظلوم في الدنيا دي

 

الصبح نور الحارة وشمس الصاغة طلعت والزبائن بدأت تظهر في الشوارع والمحلات فتحت أبوابها شهد صحت من بدري جهزت فطار خفيف لبنتها دارين وطبطبت عليها وقالت لها خليكي هنا يا حبيبتي ذاكري وركزي في كتبك ومتقلقيش خالص من أي حاجة الشقة أمان ومحدش يقدر يهوب ناحيتنا طول ما إحنا في حماية الحاج سيف دارين ابتسمت برقة وقالت لها حاضر يا ماما ربنا يوفقك في شغلك الجديد شهد لمت شعرها الفاتن ولبست العباية السودا النضيفة والطرحة وظبطت نفسها ونزلت السلم بخطوات فيها رهبة وخجل لحد ما وصلت قدام باب محل سيف الجواهرجي الضخم المحل كان شغال والعمال والرجالة مرصوصين وكل واحد في شغله شهد دخلت برقة تسرق العين ورجلها بترتعش أول ما رجالة المحل شافوها واحد منهم قرب باحترام وقال لها أهلاً يا ست هانم الحاج سيف سايب خبر من بدري أول ما توصلي تدخلي له المكتب جوه على طول شهد شكرته بخفوت ومشت بخطوات بطيئة ودقات قلبها بتزيد لحد ما وصلت قدام باب المكتب الخشب الفخم وخبطت خبطتين وفتحت الباب بالراحة ودخلت برقة وخجل شديد ونزلت عينيها الأرض وتكلمت بصوتها الناعم زي الحرير سلام عليكم يا حاج سيف سيف كان قاعد ورا مكتبه الأبنوس العريض وفي إيده فنجان القهوة السادة بتاعه بيشرب منه أول ما سمع صوتها رفع عينيه بسرعة وملامحه الحادة هديت تماماً وحط الفنجان من إيده وبص لوشها الفاتن والبياض اللي منور في عبايتها السودا واتكلم بصوته الرجولي الأجش والدافي وعليكم السلام ورحمة الله وبركاته يا أم دارين يالا الشغل نور أهو طمنيني عليكي أنتِ كويسة والقمورة دارين عاملة إيه في الشقة فوق شربتوا شايكم وفطرتوا شهد رفعت عينيها العسلي وبصت له بخجل وظهرت غمازتها الخفيفة وقالت شكراً يا حاج سيف ليك كتر ألف خيرك إحنا بأحسن حال والحمد لله رب العالمين بفضل الله ثم بفضلك وجودك وجدعنتك معانا أنا جاهزة ومستعدة وتما م دلوقتي وممكن استلم الشغل لو وقتك يسمح سيف ابتسم وقام وقف بطوله المهيب اللي ملوش مثيل وقال لها أكيد طبعاً تعالي معايا سيف خرج من ورا مكتبه ومشى قدامها وهي وراه بخطوات هادية لحد ما طلع معاها لزاوية في قلب المحل الكبير لقت مكتب صغير ونضيف ومريح جداً ومحطوط عليه دفاتر وجهاز كمبيوتر وكل أدوات المحاسبة سيف أشار للمكتب وتكلم برزانة وحكمة بصي يا أم دارين ده مكانك من النهاردة هتقعدي على المكتب ده وشغلك كله هيكون في الحسابات وبس كل حاجة طالعة وكل حاجة داخلة للمحل والفلوس والفواتير الكبيرة والصغيرة تتسجل تحت إيدك لأن عم محمد بتاع الحسابات اللي كان شغال معانا بقاله سنين مشي الأسبوع اللي فات لأنه تعب ورجع الصعيد يعيش هناك وسط أهله وناسه فالمكان فضي في وقته وسبحان الله كان متساب ليكي عشان تيجى وتمسكيه ماشي يا أم دارين وعشان نبقى على مية بيضا وواضحين من الأول مرتبك في الشهر هيكون تمن آلاف جنيه وده البداية بس وهيخضع للزيادة مع الوقت والمجهود والشغل لما يكبر ماشي يا أم دارين وأي حاجة تقف معاكي في الدفاتر أو الحسابات في الأول تعالي لي مكتبى على طول واسأليني من غير تردد وأنا هقعد معاكي وأعرفك كل صغيرة وكبيرة لحد ما تاخدي على الشغلانة يالا بالتوفيق يارب سيف سابها والتفت لرجالة المحل والشباب اللي شغالين وزعق فيهم بصوت قوي ورجولي يسمعه الكل في المكان وقال يا شباب اسمعوني كويس أم دارين من النهاردة هي اللي ماسكة حسابات المحل كله بلا استثناء أي حد منكم يطلع قطعة ذهب أو ألماظ أو يدخل فواتير أو ياخد فلوس من زبون يرجع هنا على طول ويسجل عندها في الدفاتر ويسلمها النقدية والكل يلتزم بكلامها وأنتوا ليكم شغلكم في البيع والشراء بره وهي مكانها على مكتبها ومحدش يشغلها عن شغلها اتفقنا والكل رد في صوت واحد كله تمام يا كبيرنا على راسنا من فوق وسيف سابهم ودخل مكتبه وقفل الباب نص قفلة ووقف ورا الإزاز الشفاف يبص عليها وهي بتقعد على الكرسي بكسوف وتبدأ تفتح الدفاتر بحرص ورقة سيف حط إيده على صدره وفضل باصص لها بشرود وهو مش عارف ولا فاهم قلبه بيدق بالعنف والجوع ده ليه دقات قلبه كانت سريعة وقوية زي الطبول لدرجة إنه حس إن عروقه هتنفجر سيف استغفر ربنا تاني وتالت في سره وحاول يهدى بس عينه مكنتش قادرة تفارق ملامح شهد الهادية وصوتها الناعم لسه بيرن في ودنه سيف الجواهرجي اللي مراته ماتت من أربع سنين وعمره ما بص لست بعديها ولا فكر في صنف الحريم واصل لقى نفسه مبهور ومفتون برقة ونظرة عين الست الغريبة دي اللي دخلت حياته في الفجر وبقت بتمسك حسابات مملكته الصبح سيف أخد نفس طويل وبلع ريقه بصعوبة وحس إن البركان الغافي جواه بدأ يتحرك ويثور وإن الأيام اللي جاية مش هتمشي هادية أبداً طول ما شهد قاعدة على المكتب ده وبتنور محله بجمالها ورقتها اللي بتدوب الحجر وشهد من ناحيتها كانت قاعدة تفرز الأوراق وعينيها بتدمع من الفرحة والراحة وبتقول في سرها الحمد لله يارب اللي سخرت ليا الراجل الشهم ده يحميني ويشغلني بكرامتي وعزة نفسي ومستحيل هقصر في مليم واحد في حساباته اللى ائتمنني عليها طول العمر